Bampira

Taong 2019, halos pag-aari ng mga multinasyonal na kompanya ang Pilipinas. Isang tao lang ang maaasahan ng mga residente ng Maynila para ipagtanggol sila sa mga magnanakaw—si Robert Y. Roberto, ang vigilanteng kilala bilang Bampira! Sidekick ng Bampira ang senior citizen na si Junior a.k.a. Bird. Magkasama, sila ang rumoronda sa mga iskinita para labanan ang krimen. 
 
Nang matagpuan ang bangkay ng isa niyang katrabaho, wala siyang ibang pwedeng gawin kundi mag-imbestiga. Ang matutuklasan niya’y yayanig sa kanyang pananaw sa mundo: may demonyong tinatawag na Distyero, at ito ang nasa likod ng isang serye ng patayan sa Maynila. Kasama si Bird, susugurin ng Bampira ang muog ng Distyero. 
 
Pero hindi lang ang pisikal niyang pag-iral ang nakataya, kundi ang kanyang kaluluwa mismo!